Cymraeg

Cymraeg

Mae grantiau ar gael bellach dan raglen Transversal er mwyn cyfrannu at ddatblygiad proffesiynol unigolion sy’n ymwneud ag addysg a dysgu seiliedig ar waith.

Mae rhaglen gyffrous o Ymweliadau Astudio ar gyfer Arbenigwyr Hyfforddiant Galwedigaethol ac Addysg yn galluogi gweithwyr addysg proffesiynol i gymryd rhan mewn rhaglen o weithgareddau mewn gwlad Ewropeaidd arall am wythnos. Byddwch yn dysgu am arferion a systemau addysg ac yn cael y cyfle i ymweld ag ysgolion a cholegau, cyfarfod ymarferwyr a chlywed gan gyflogwyr, undebau llafur a chyrff sectorol. Yn ogystal, gallwch rwydweithio gyda’ch cymheiriaid Ewropeaidd gan feithrin cysylltiadau a phartneriaethau newydd at ddibenion cydweithio yn y dyfodol.

Fel arfer, bydd Ymweliadau Astudio yn canolbwyntio ar themâu arbennig ym maes addysg neu hyfforddiant galwedigaethol, ac mae rhai o’r ymweliadau a gynigir ar hyn o bryd yn cynnwys:

• Addysg amgylcheddol ac dosbarthiadau yn yr awyr agored yng Ngwlad Pwyl
• Ffyrdd gwell o addysgu iaith dramor yn Sbaen
• Rôl rhieni mewn addysg yn Nenmarc
• Darpariaeth i’r rhai sy’n gadael ysgol heb gymwysterau yn yr Almaen
• Addysg i oedolion ac addysg alwedigaethol yn yr Iseldiroedd
• Sut i ddenu pobl ifanc i hyfforddiant galwedigaethol yn Sweden

Mae cyfranogwyr a’u sefydliadau yn elwa wrth iddynt ddysgu am arferion ac ymagweddau newydd ym myd addysg – mae ymweliadau yn rhoi’r cyfle i chi rannu eich arbenigedd gyda gweithwyr proffesiynol eraill, gan ddysgu am y gwahanol ffyrdd o weithio ar draws Ewrop.